Михаил Мишустин ИВЛ аппараатын сертификациялыыр болдьоҕун кылгатарга дьаһайда
Арассыыйа Федерациятын Бырабыыталыстыбатын Бэрэссэдээтэлэ Михаил Мишустин омук сиригэр оҥоһуллубут, тыҥаны салгынынан хааччыйар (ИВЛ) аппарааттары сертификациялыыр болдьоҕу кылгатар боппуруоһу быһаарарга сорудахтаата.
edersaas.ru
– Доруобуйа харыстабылын министиэристибэтэ, Экэнэмиичэскэй сайдыы министиэристибэтэ, ФМБА, Роспотребнадзор омук сириттэн аҕалыллар ИВЛ аппарааттарын сертификациялыыр болдьоҕу кылгатар, бэрэбиэркэ ахсаанын аччатар туһунан боппуруоска быһаарыыгытын муус устар 27 күнүгэр диэри түһэриҥ, — диэн Михаил Мишустин муус устар 24 күнүгэр ыытыллыбыт Бырабыыталыстыба иһинэн үлэлиир коронавирус дьаҥа тарҕаныытын утары охсуһар Сүрүннүүр Сүбэ мунньаҕар эттэ.
ИВЛ аппарааттара коронавирустан сылтаан, пневмониянан ыараханнык ыалдьыбыт дьону эмтииргэ туһаныллар. Ыарыһах организмыгар салгын киириитэ бытаарар буолан, ИВЛ аппараатынан салгын балаансатын чөлүгэр түһэрэллэр. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Раиса Сибирякова, «Саха сирэ» edersaas.ru