Михаил Мишустин дьиэ-уот уонна хомунаалынай өҥөлөр төлөбүрдэригэр субсидияҕа тиксиини судургутутта

2021 сыл тохсунньу 1 күнүттэн дьиэ-уот уонна хомунаалынай өҥөлөр төлөбүрдэригэр субсидияны ылыы судургутуйда. Бу туһунан уураахха Бырабыыталыстыба Бэрэссэдээтэлэ Михаил Мишустин илии баттаата.

edersaas.ru

Аны субсидияны ыларга дьиэ-уот уонна хомунаалынай өҥөлөрү төлөөбүтүҥ туһунан квитанциялары уонна чиэктэри көрдөрүү, ону тэҥэ иэс суоҕун туһунан ыспыраапканы көрдөрүү ирдэммэт буолла. Госуорганнар бу иһитиннэриини бэйэлэрэ электроннай көрүҥүнэн ылыахтара.

Субсидияны ылар быраап гражданнар ОДьК өҥөтүн төлөбүрүгэр дохуоттарын улахан өлүүтүн ыытар буоллахтарына бэриллэр. Хас биирдии эрэгийиэн бу нуорманы бэйэтэ олохтуур. Холобур, Москваҕа хомунаалынай өҥөлөргө ороскуоттар дьиэ кэргэн дохуотун 10 бырыһыанын куоһарар буоллаҕына ылаллар.

Бэлэмнээтэ Женни СТРЮКОВА, edersaas.ru

Хаартыска: тустаах саайтан