Михаил Мишустин Арктикаҕа инфраструктураны тэрийиигэ уонна саҥардыыга субсидиялары төлөөһүн быраабылатын бигэргэттэ
Туһааннаах субсидиянан кимнээх туһаныахтарай? Ханнык быраабыланан?
Арктика сиригэр-уотугар үлэлиир хампаанньаларга инфраструктураны тэрийиигэ уонна саҥардыыга ороскуоттарын сорҕотун толуйуохтара. Маннык субсидиялдар быраабылаларын Бырабыыталыстыба Бэрэссэдээтэлэ Михаил Мишустин бигэргэттэ.
Ол курдук, тырааныспар, энергетика уонна нженернэй инфраструктура эбийиэктэрин ороскуоттарын толуйуу туһунан этиллэр, ол иһигэр уот уонна гаас ситимигэр холбооһун эмиэ киирсэр. Субсидия инвестбырайыактара сүүмэрдээһини ааспыт хампаанньаларга бэриллиэҕэ. Быраабыла быһыытынан толуйууну ылааччы иэһэ суох уонна моҥкуруут бара сылдьыа суохтаах.
Субсидия тутулла турар уонна бэлэм эбийиэктэргэ Уһук Илини сайыннарыы министиэристибэтин уонна хампаанньа икки ардыгар түһэрсиллибит сөбүлэһиигэ олоҕуран бэриллиэҕэ. Толуйуу төлөнөр инвест бырайыак алын сыаната 300 мөл солкуобайга диэри. 2023 сылга диэри бу миэрэҕэ 13 млрд солкуобай көрүллүөҕэ.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: тустаах саайтан.