РФ Бырабыыталыстыбатын Бэрэссэдээтэлэ Михаил Мишустин Арассыыйа дьахталларын Аан дойду дьахталларын күнүнэн эҕэрдэлээтэ.
Эһигини ис сүрэхпиттэн Аан дойду дьахталларын күнүнэн эҕэрдэлиибин.
Бастакы сааскы бырааһынньык киһи-аймах кэрэ аҥаардарыгар ураты иэйиинэн уонна болҕомтонон туолар. Саамай кылаабынайа – күндү дьахталларбытыгар саамай истиҥ уонна иһирэх тыллары этии, чугас аймахтарыгар уонна биир идэлээхтэригэр кыһамньыларын иһин махтаныы.
Биһиги дьахтар кэрэтин, мындырын, абылыыр күүһүн, үлэҕэ ситиһиилэрин уонна дьиэтигэр сылаас эйгэни тэрийэри сатыырын иһин сөҕөбүт. Дьахталлар дойдубут сайдыытыгар сүҥкэн кылааттарын эмиэ киллэрэллэр. Кинилэр идэлэринэн уонна уопсастыбаҕа ыытар үлэлэрин үрдүктүк сыаналыыбыт.
Бу бырааһынньык өрө көтөҕүллүүтэ биһигинниин өргө диэри хааллын, ыра санааларгыт туоллуннар уонна таптыыр, күндү дьоҥҥут дьоллоох-соргулаах уонна этэҥҥэ буоллуннар.
Эһиэхэ ситиһиилэри, чэгиэн-чэбдик доруобуйаны уонна бары үтүөнү баҕарабын.
Сахагов саайтан
Бэлэмнээтэ Женни Стрюкова
Хаартыска: тустаах саайтан