Күндү доҕоттор!
Идэлээх бырааһынньыккытынан истиҥ эҕэрдэбин тириэрдэбин.
Быйыл дойдубутугар тырааныспар үлэһитин күнэ аан бастаан бэлиэтэнэр. Сэтинньи 20 күнэ диэн даата мээнэҕэ талыллыбата, тоҕо диэтэххэ, бу күн 211 сыл анараа өттүгэр император Александр I уу уонна сиринэн сылдьар коммуникациялар управлениеларын, ону тэҥэ сырыы инженердэрин куорпуһун олохтообута. Бу бэлиэ түгэн устуоруйаҕа киирэн, Арассыыйаҕа тырааныспар эйгэтигэр биир кэлим судаарыстыбаннай тэрилтэни тэрийиигэ олук буолбута.
Биһиги бүгүн салгын тырааныспарын уонна суол хаһаайыстыбатын үлэһиттэригэр, автомобилистарга уонна тимир суол үлэһиттэригэр, моряктарга уонна өрүс үлэһиттэригэр, метрополитен сотрудниктарыгар, мультимодальнай тиэйиилэр исписэлиистэригэр махтанабыт. Дойду тырааныспарын тиһигэр үлэлээн, судаарыстыба экэниэмикэтигэр уонна экспорын кыаҕар сүҥкэн кылаатын киллэрээччилэргэ, дьон олоҕун тупсаҕай оҥорооччуларга сүгүрүйэбит.
Эһиги идэҕитин толору баһылаабыккытыттан, үлэҕитигэр эппиэтинэстээх сыһыаҥҥытыттан тырааныспар тиһигин саҥардыы уонна цифровой сайдыы, пассажирдарга табыгастаах уонна куттала суох усулуобуйаны тэрийии тутулуктаахтар. Уопуккут, дьулуургут, уустук соруктары салайары сатыыргыт торумнаммыт былааннары олоххо киллэрэн, саҥа ситиһиилэргэ сирдиэҕэ.
Бары үлэһиттэргэ уонна тырааныспар салаатын бэтэрээннэригэр чэгиэн доруобуйаны, этэҥҥэ буолууну, ситиһиилэри баҕарабын!
М.Мишустин
Бэлэмнээтэ Женни Стрюкова
Хаартыска: интэриниэттэн