Михаил Ершов Арассыыйа успуордун национальнай көрүҥнэрин хамыыһыйатын салайааччытынан ананна
Бу күннэргэ Арассыыйа Олимпийскай кэмитиэтигэр Арассыыйа успуордун национальнай уонна олимпийскайа суох көрүҥнэрин кэмитиэтин уочараттаах мунньаҕа ыытылынна.
edersaas.ru
Кэмитиэт маҥнайгы састааба ааспыт сыл ахсынньытыгар талыллыбыта. Мунньахха XI Аан дойдутааҕы оонньуулар уонна VI Национальнай уонна олимпийскай буолбатах көрүҥнэр Бүтүн Арассыыйатааҕы бэстибээллэрин тула кэпсэттилэр. Ону таһынан, кэмитиэт саҥа федерацияларын уонна саҥа түөрт хамыыһыйатын балаһыанньатын бигэргэттилэр.
Кэмитиэт өссө биир быһаарыытынан, национальнай көрүҥ хамыыһыйата тэрилиннэ. Хамыыһыйа РФ Успуордун министиэристибэтин кытары үлэни тэрийиэхтээх.
Бу хамыыһыйа салайааччытынан «Сахаада-спорт» ассоциациятын генеральнай сэкирэтээрэ Михаил Ершов ананна.
«»Модун» СК пресс-киинэ.
Хаартыска: sportyakutia.ru