Успуорт бэтэрээнэ, спортивнай мусуойдар уопсастыбаннай сэбиэттэрин бэрэссэдээтэлэ, физкултуура уонна успуорт мусуойун дириэктэрэ Михаил Друзьянов дойдуга буола турар быһыы-майгы туһунан бэйэтин санаатын үллэстэр.
— Бэлиитикэ диэн бэлиитикэ буоллаҕа, маннык балаһыанньа буолбутугар, хайаан да эппиэт биэриэхтээхпит, тоҕо диэтэр, аҕыс сыл устата Донбасс олохтоохторо ытыалаһыыга өлөллөрүн ким тулуйуой? Хайа муҥун тулуйуоҥуй?
Бэрэсидьиэн Владимир Путин сөптөөх быһаарыныы ылыммыт, сотору кэминэн барыта орун-оннугар түһүө дии саныыбын. Өр сылларга икки бырааттыы судаарыстыбаны утарыта туруортаан кэллилэр, билигин Арассыыйа эйэни баҕарарын биллэрэр кэмэ кэллэ.
Арассыыйа мэлдьи бары хайысхаларынан аан дойдуга лиидэр буолар. Хаһан да, ханна да хотторботоҕо: сэриигэ буоллун, бэлиитикэҕэ, ускуустубаҕа, успуорка буоллун. Дойду салалтата маннык соруктары туруорар уонна быһаарыныылары ылынар буоллаҕына, биһиги өйүөхтээхпит уонна түмсүөхтээхпит.
Ангелина Васильева, “Саха сирэ” хаһыат, edersaas.ru