Доруобуйа

Михаил Архипов: “Сымыйа сурахтарга итэҕэйбэккэ, исписэлиистэргэ итэҕэйиҥ диэн Дойду Президенэ олох сөпкө эттэ»

Амма улууһун кылаабынай бырааһа Михаил Архипов Дойду Президенэ Владимир Путин быһа эпииригэр вакцинация туһунан этиитин бэркэ сэргээн иһиттэ уонна бу курдук санаатын үллэстэр:
“Дойдубут Президенэ Владимир Владимирович олох саамай сөпкө вакцинацияны дьон хайаан да ылыан наада диэн бэлиэтээтэ. Кини бэйэтэ быһыыны ылан нэһилиэнньэҕэ холобур буолар диэххэ наада. Чахчы билигин бу ыарыыттан биһигини вакцина эрэ абырыыр. Онон хайаатар да ылан ыарыыны тохтотуохпутун наада. Дойду Президенэ маннык быһа вакцинация суолтатын быһаарбыта олус үчүгэй. Дьон өйдүөн наада. Кини бэлиэтээбитинэн, күн бүгүн 10 регион санитарнай быраастара булгуччулаах вакцинация буолуохтааҕын туһунан Уураах таһааран тураллар. Маны регионнар бэйэлэрэ ыарыы таһымыттан көрөн бэйэлэрэ таһаарар бырааптаахтахтар. Биһиги региоммут булгуччулаах вакцинацияны эмиэ биир бастакынан, ыам ыйын 19 күнүгэр таһаарбыта. Онно этиллибитинэн от ыйын 2 күнүгэр диэри нэһилиэнньэ 60 бырыһыана вакцинацияланыахтаах этэ. Ону толорбокко олоробут. Маны сэргэ кини сурахтарга итэҕэйбэккэ, исписэлиистэргэ итэҕэйиэххэ наада диэн олох сөпкө эттэ. Чахчы да биһиги исписэлиистэр, медиктэр быһыыны туруорабыт уонна кэтээн көрөбүт. Быһыыны ыларга модьуйуу, бу этэргэ диэри ыарыыттан көмүскэнэргэ бүтэһик
миэрэ диэххэ сөп. Вакцина тоҕо бэриллэр? Вакцина бэриллэр ыарыыттан көмүскэллээх буолартан уонна ыарыыны чэпчэкитик аһарарга диэн. Онон киһи оннук-маннык араас сурахтары истибэккэ, бэйэтин доруобуйатыгар кыһаллар буоллаҕына, быһыыны ылыан наада“, — диэн этэр Михаил Архипович.
0
0