Бу бэстибээл бэс ыйын 1-5 күннэригэр Болгарияҕа ыытылынна. Саха сиригэр уһуллубут «Ага» киинэ куонкурус бырагырааматыгар киирэн үрдүктүк сыаналанна. Куонкуруска Австрияттан, Бельгияттан, Грузияттан, Украинаттан, Исландияттан, Францияттан, Эстонияттан, Данияттан о.д.а дойдулартан кэлэн кытыннылар. «Ага» «Бастыҥ киинэ» наҕарааданы ылла, оттон сүрүн оруолу оонньообут Саха тыйаатырын артыыһа Михаил Апросимов «Бастыҥ артыыс» номинацияҕа кыайда.
«Ага» киинэ Болгария, Франция уонна Германия киинэлэрин устуудуьуйаларын кыттыгас үлэлэрэ буолар. Оттон оҥорон таһаарыытын «Al Look Studio» киинэ хампаанньата (продюсердар Сардаана Саввина уонна Любовь Борисова) эппиэтинэһигэр ылбыта. Киинэни 2017 сыл олунньутуттан муус устарыгар диэри Миирнэйгэ уонна Хаҥаласка устубуттара. Сүрүн оруолларга Феодосия Иванова, Сергей Егоров, Галина Тихонова оонньообуттара.
СИА.