Коронавирус инфекцията тарҕанарын утары дьаһаллар ылыллаллара наадатынан сибээстээн, Өрөспүүбүлүкэтээҕи 2 №-дээх балыыһаҕа кэккэ уларыйыылар киллэриллибиттэрэ.
edersaas.ru
Ол курдук, сыҥаах-сирэй хирургиятын отделениета обсерваторга кубулуйбута. Манна коронавирус инфекциялаах эбэтэр уорбаланар дьону ылыахтаахтар. Ону сэргэ, инфекцияҕа сабаҕаланар дьон сылдьарыгар туспа лиип бэриллибитэ.
Онон, Өрөспүүбүлүкэтээҕи балыыһаҕа суукканы быһа мэдиссиинискэй көмөнү оҥорорго бэлэм быраастар биригээдэлэрэ тэриллибитэ.
Санатан эттэххэ, инфекция тастан киирбэтин туһугар, ыарыһахтарга аһы-үөлү, атын да малы-салы аҕалыы бобуллар. Нэһилиэнньэ маннык дьаһал ылыллыбытын өйдүүргүтүгэр уонна өйүүргүтүгэр көрдөһөбүт. Бэйэҕитин уонна чугас дьоҥҥутун харыстааҥ.
“Саха сирэ” хаһыакка, edersaas.ru cаайтка анаан
Ольга ГОЛИКОВА.
+1
+1
+1
+1
+1
+1
+1