Саха сиригэр коронавируснай инфекцияны утары үлэлии сылдьар миэдиктэргэ төлөбүрдэри уһатар туһунан быһаарыыны ылыннылар. Ол туһунан өрөспүүбүлүкэтээҕи суһал ыстаап иһитиннэрдэ.
Өрөспүүбүлүкэҕэ эпидемиологическай балаһыанньа уустук. Күн аайы 100-тэн тахсалыы киһи ыалдьар. Оттон быраастар, миэдиктэр тохтоло суох, күнүстэри-түүннэри бу ыарыыны утары охсуһаллар.
Ил Дархан Айсен Николаев 2020 сыллаахха мэдиссиинэ үлэһиттэригэр федеральнай төлөбүрдэртэн ураты, өрөспүүбүлүкэ бүддьүөтүттэн эмиэ төлөбүрдэри биэрэр туһунан ыйааҕа тахсыбыта. Ол курдук, коронавируһу утары охсуһар быраастарга 66 тыһыынча солкуобайы, сиэстэрэлэргэ 40 тыһыынча солкуобайы, атын үлэһиттэргэ 20 тыһыынча солкуобайы ый аайы эбии төлөнөр.
Ангелина Васильева, “Саха сирэ” хаһыат, edersaas.ru
Хаартыска: sakha.gov.ru