Доруобуйа Маны аах

Миэдиктэргэ социальнай төлөбүр төлөнө турар

Саха сиригэр коронавируснай инфекцияны утары охсуһар, мэдиссиинискэй көмөнү оҥорор миэдиктэргэ төлөбүрдэр бэриллэ тураллар.

Ил Дархан Айсен Николаев “Ковид-19” ыарыы ахсаана элбээбитинэн, олус уустук усулуобуйаҕа ноҕуруускалаахтык үлэлииллэринэн, тустаах миэдиктэргэ уонна суоппардарга 2022 сыл тохсунньу 1 күнүттэн эрэгийиэннээҕи социальнай төлөбүрү биэрэр туһунан ыйаах таһаарбыта. Бу төлөбүр быстах кэмнээх – 2022 сыл кулун тутар 31 күнүгэр диэри бэриллэр.

Эрэгийиэннээҕи социальнай төлөбүр кээмэйэ: быраастарга – 66 тыһыынча солкуобай, сиэстэрэлэргэ – 40 тыһыынча солкуобай, атын үлэһиттэргэ – 20 тыһыынча солкуобай.

Бу төлөбүр ый аайы, үлэлээбит чааһы учуоттаан, бэриллэр. Былырыын маннык төлөбүрү 9 тыһыынчаттан тахса киһи ылбыта.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0
Telegram @edersaas20