Миэдиктэр киинэ дьоруойдарын “тилиннэрдилэр”
Олох-дьаһах - Саха ыала - ЭС - маны аах

Миэдиктэр киинэ дьоруойдарын “тилиннэрдилэр”

Сунтаардааҕы киин балыыһа Саҥа дьыл иннинэ “Оживи картину” диэн онлайн-күрэһи үлэһиттэригэр анаан ыыппыта. Манна нэһилиэктэр балыыһалара, биэлсэр-акушер пууннара көхтөөхтүк кыттыбыттара.

Сүрүннээн сэбиэскэй киинэлэр (сороҕор Голливуд да гиэннэрин) уонна хартыыналар дьоруойдарын уобарастарын үтүктэн, мал-сал, таҥас булан, хаартыскаҕа түһэн ыыттылар, оҕолорун эмиэ кытыннардылар. Миэдиктэр, төһө да уодаһыннаах ыарыыны кытары охсуһа сырытталлар, көхтөөхтөрүн, толкуйдаахтарын, көрдөөхтөрүн көрдөрдүлэр. Олус интэриэһинэй, сэргэхситэр, умсугутар күрэс буолла.

Күрэскэ Сунтаардааҕы поликлиника үлэһиттэрэ бастаатылар. Быраастар, сиэстэрэлэр, санитаркалар туора турбатылар. Иккис миэстэни Элгээйитээҕи амбулатория ылла, ону тэҥэ, Тойбохойдооҕу, Кутанатааҕы амбулаториялар, хирургия, терапевтическай, оҕо отделениеларын, оҕо консультациятын кэлэктииптэрэ бэлиэтэннилэр.  

Видеону көрүҥ, өссө интэриэһинэй хаартыскалар бааллар:

 

Ангелина Васильева, «Саха сирэ» хаһыат, edersaas.ru

Хаартыска: интэриниэттэн.

2
1

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

девятнадцать − семь =