Сүрүн Уопсастыба

Ми-26 бөртөлүөт Дьааҥы улууһугар тутуу матырыйаалларын тиэртэ

Бэҕэһээ сарсыарда РФ ЫБММ-тин Ми-26 диэн сүүнэ бөртөлүөтэ Дьааҥы улууһун Суордааҕар уонна Боруулааҕар ууттан эмсэҕэлээбиттэргэ анаан 14 туонна тутуу (хаптаһын, былааҕы, цемент, буруус) матырыйаалын тиэртэ. 
Ми-26 бөртөлүөт Саха сиригэр от ыйын 19 күнүттэн үлэлиир. Атырдьах ыйын 8 күнүгэр оттук сезонун бэлэмнээһиҥҥэ туһанныллар матырыйааллары (уу ситимин, сылааһы тутар матырыйааллары) тиэрдибитэ.  Барыта анал 10 рейс оҥоһуллара былааннаныллыбыт, мантан 7 рейс «Якутопторг» лииньийэтинэн толоруллар. Барыта 100 туонна кэриҥэ таһаҕас тиэрдиллиэҕэ.
Санатар буоллахха, РФ бэрэсидьиэнигэр Уһук Илиҥҥи федеральнай уокурукка боломуочуйалааҕа-вице-премьер Юрий Трутнев РФ ЫБММ-гэр чөлүгэр түһэриигэ туһаныллыахтаах тутуу матырыйаалларын тиэрдэргэ көмөлөһөллөрүгэр сорудахтаабыта. Ил Дархан Айсен Николаев сайаапкатынан тустаах сорудаҕы Ми-26 көтөр аал толоро сылдьар.
0
0
Telegram @edersaas20