Мэҥэ Хаҥаласка суол быһылааныгар биэс киһи өллө, үс киһи эмсэҕэлээтэ

Ааптар: 
Бөлөххө киир:

Алдьархайдаах суол быһылаана бэҕэһээ, ахсынньы 8 күнүгэр, Мэҥэ Хаҥалас улууһугар таҕыста. Биэс киһи тыына быһынна, үс киһи эмсэҕэлээтэ.

edersaas.ru

Саха сирин баһаары утары судаарыстыбаннай сулууспатыгар Аллараа Бэстээх бөһүөлэгиттэн 16 км тэйиччи сиргэ, «Халыма» федеральнай суолга икки массыына харсыспытын туһунан иһитиннэрии ахсынньы 8 күнүгэр, киэһэ 20.00 чааска киирбит.

Ол иһитиннэриигэ этиллэринэн, Тааттаҕа айаннаан испит УАЗ массыына утары айаннаан иһэр КаМАЗ таһаҕас массыынатыгар тиийэн түспүт. Видеоҕа көстөрүнэн, массыыналар иккиэн тута умайбыттар. Уоту умулларыы кэнниттэн УАЗ массыынаҕа биэс киһи өлүгүн булбуттар. Экстреннэй сулууспа иһитиннэриитинэн, олор ортолоругар 2 саастаах оҕо баар эбит…

Бу чахчынан РФ Холуобунай кодексатын 264-с ыст. 5-с чааһынан, ол эбэтэр, суол быраабылатын кэһии түмүгэр иккиттэн элбэх киһини өлүүгэ тиэрдии бэлиэтэ баарынан, холуобунай дьыала тэриллибитин туһунан ГИБДД управлениета иһитиннэрдэ.

Быһылаан тахсыбыт сиригэр СӨ ИДьМ-тын миниистирин солбуйааччы-Силиэстийэлиир управление начальнига Александр Лукин салайааччылаах суһал-силиэстийэлиир бөлөх, Ыксаллаах быһыы-майгы министиэристибэтин Саха сиринээҕи управлениетын суһал бөлөҕө уонна быыһааччылар тиийэн үлэлииллэр.

Эмсэҕэлээччилэргэ уонна кинилэр чугас дьонугар психологическай көмө оҥоһуллар.

Вера Макарова, «Саха сирэ» хаһыат, edersaas.ru

Хаартыска уонна видео:  Якутск.ru

+1
0
+1
0
+1
0
+1
0
+1
0
+1
0
+1
0