Мэҥэ Хаҥалас улууһун 272 №-дээх Мэлдьэхситээҕи быыбардыыр учаастагар, РФ Конституциятыгар уларытыылары киллэриигэ куоластааһын бэс ыйын 25 күнүттэн саҕаламмытын, куоластааһын бастакы күнүн түмүгүн иһитиннэрбиппит.
Пандемия кэмэ буолан, кулууп дьиэтэ эрдэттэн дезинфекцияланан, санитарнай ирдэбил барыта күүскэ тутуһуллан, куоластааччыга сөптөөх усулуобуйа тэриллибитэ.
Мэлдьэхси нэһилиэгэр испииһэккэ киирбитинэн 325 куоластааччы баар.
Бэҕэһээҥҥи, бэс ыйын 29 күнүнээҕи туругунан, дьиэнэн, быыбардыыр учаастагынан уопсайа 194 киһи куоластаата. Ити уопсай куоластааччы ахсаанын 59 бырыһыана буолар.
Биһиги уопсастыбаннай кэрэспэдьиэммит Надежда Андросова куоластааһын хаамыытын, санитарнай ирдэбили тутуһууну, кэтээн көрөөччүлэр, волонтердар үлэлэрин, бу курдук, сырдата олорор, киниэхэ махтанабыт.
Сүрүн хаартыскаҕа: Дьиэҕэ куоластата баран эрэллэр…
Татьяна МАРКОВА.
+1
+1
+1
+1
+1
+1
+1