Академик Афанасий Чугунов аатынан Мэҥэ Хаҥалас улууһун Мэлдьэхси орто оскуолатын 2004 сыллаахха бүтэрбит выпускниктар үөрэммит кыһаларыгар алгыстаах ыскамыайка оҥорторон, оскуоланы бүтэрбиттэрэ 15 сылынан, 2019 сыллаахха бэлэх ууммуттара.
Ити 2019 сылтан саҕаламмыт үтүө үгэһи өйөөн, оскуоланы бүтэрээччилэр сылын аайы төрөппүттэринээн үөрэнээччилэргэ анаан ыскамыайка-беседка, хачыал оҥорторон бэлэх уунар буолбуттара олус кэрэхсэбиллээх.
Оскуола кэллэктиибэ выпускниктарга, төрөппүттэргэ махталын тиэрдэр. Бу бэлэхтэр оскуолабыт биир кэрэ көстүүтэ буоланнар, оҕолору мэлдьи үөрдэ турдуннар!
Мэлдьэхситтэн Надежда АНДРОСОВА.
Сүрүн хаартыскаҕа: оскуола дириэктэрэ Л.Д. Сыромятникова быйылгы выпускниктары кытта.
+1
+1
+1
+1
+1
+1
+1