Бу күннэргэ Үөһээ Бүлүү улууһун Мэйик нэһилиэгин Ивановтар дьиэ кэргэн оҕолоро — 4 кылаас үөрэнээччитэ Каролина, «Күнчээн» оҕо саадын иитиллээччилэрэ Фаина, Серёжа маастар-кылаас ыыттылар.
edersaas.ru, Валентина Попова
Ол курдук оҕолор Сунтаар улууһугар олорор Салиевтар кыыстарыгар, кыракый Лианаҕа эмтэнэригэр көмөлөһөн, маастар-кылаас ыытан, 3650 солк. киллэрдилэр. Ол харчыларын Лиана ийэтигэр биэрдилэр. Отонноотоххо оҥоойук туолар дииллэринии, Лианаҕа көмө буолуо диэн кырачааннар үөрүүлэрэ улахан. Сунтаардар оҕолор эбэлэригэр Сардаана Петровнаҕа бэйэлэрин махталларын батсаабынан ыыттылар. Сардаана Петровна сиэннэрин кыраларыттан бэйэтин кытта батыһыннара сылдьан араас сатабылга үөрэтэр. Оҕолор олох кыра эрдэхтэриттэн эбэлэригэр көмөлөһөн, ас астыы араас оҥоһуктары оҥоро, уруһуйдуу үөрэммиттэр.
Мэйиктэн Валентина Попова