“МегаФон” суотабай хампаанньа оператора өрөспүүбүлүкэҕэ үлэлиир тирэх ыстаансыйаларын саҥардан, 10 улуус сорох нэһилиэктэригэр сибээс хаачыстыбата тубуспа. Ол курдук Амма, Ньурба, Алдан улуустара 4G-интэриниэккэ холбоннулар.
edersaas.ru
Хамаанньа LTE уонна LTE-A ситимнэрин сайыннарыы бырагырааматын иитинэн, Саха сиригэр саҥа тирэх ыстаансыйалары үлэҕэ киллэрдэ. Онон “МегаФон” түргэн интэриниэтэ Амма улууһун Сулҕаччытыгар, Бөтүҥүгэр, Абаҕатыгар, Ньурба Антоновкатыгар, Мэҥэ Хаҥалас Табаҕатыгар, Павловскайыгар, Чурапчы Харбалатыгар, Таатта Дэбдиргэтигэр үлэлээтэ. Маны таһынан, LTE уонна LTE-A тирэх ыстаансыйалар Мииринэй Чернышевскайыгар уонна Алмазнайыгар, Нерюнгри Беркакитыгар, Алдан Ленинскэйигэр туруорулуннулар.
4G-интэриниэт өрөспүүбүлүкэ кытыы, ыраах сытар нэһилиэктэригэр киллэриллэн, олохтоохтор абыраннылар.
Хампаанньа Саха сиринээҕи салаатын тиэхиньиичэскэй салайааччыта Сергей Ким: «Былааннаах үлэ ыытыллыытын түмүгэр мобильнай интэриниэт тэтимирэн, олохтоохтор харгыһа суох социальнай ситимнэрин туһанар, интэриниэтинэн туһанар кыахтаннылар«, — диэн этэр.
Бүгүн төрдүс көлүөнэ мобильнай ситиминэн Саха сирин олохтоохторун 60% туһаналлар.
edersaas.ru