Бүгүн киэһэ аны Таатта улууһун Уолба уонна Томпо улууһун Мэҥэ Алдан нэһилиэктэрин икки ардыларыгар ардах уутун түмүгэр суол алдьанаары гыммыт видеота тарҕанна.
Балаһыанньа хайдаҕын билээри Мэҥэ Алданнааҕы Биир кэлим дьуһуурунай-диспетчер сулууспатыгар Евгений Степановка эрийэ сырыттыбыт.
Кини этэринэн, Тааттаҕа суол оҥорооччулара нулевой килэмиэтиргэ диэри бэҕэһээҥҥиттэн үлэлии сылдьаллар эбит уонна дьуһуурустубаны суукканы эргиччи олохтообуттар. Хайаттан киирэр уу ардах түмүгэр кутталы үөскэппит чинчилээх.
Бу кэпсэтээри, чопчулаһаары гыммыт кэммитигэр Мэҥэ Алдаҥҥа этиҥ, чаҕылҕан бөҕө буолан, уот барда. Диспетчери кытта салгыы кэпсэтэр кутталланна. Таарыйа эттэххэ, маннык чаҕылҕан, этиҥ кэмигэр дьоҥҥо эрийэр олус сэрэхтээх буолсу.
Бэлэмнээтэ Женни Стрюкова