СӨ Булгуччулаах медицинскэй страховкалааһын пуондатын үбүлээһинин былырыыҥҥы отчуотунан, страховкалааһыҥҥа 44,5 млрд солкуобай көрүллүбүт. Пуонда ааспыт сыллааҕы отчуотун Ил Түмэн пленарнай мунньаҕар бигэргэттилэр.
Доруобуйа харыстабылын миниистирэ Лена Афанасьева иһитиннэрбитинэн, пуонда 2021 сыллаах бүддьүөтүн туолуута 44,5 млрд солкуобайга тэҥнэспит. Ити иллэрээ сыллааҕыны кытары тэҥнээтэххэ, 6,2 млрд солкуобайынан, ол эбэтэр 16,4 % эбиллибит.
Манна даҕатан эттэххэ, Саха сирин салалтатын туруорсуутунан булгуччулаах медицинскэй страховкалааһын ааҕыыта уларыйан, кэнники сылларга федеральнай бүддьүөттэн кэлэр үбүлээһин эбиллибитэ. Холобур, былырыын федерация хааһынатыттан 1,2 млрд солкуобайынан эбиллэн, 37,6 млрд солкуобай кэлбит. Ону сэргэ РФ бырабыыталыстыбатын хаһаас пуондатыттан үгүөрү суума кэлбит, былырыын 5,3 млрд солкуобай үбүлээһини ыыппыттар. Ити 2020 сылы кытары тэҥнээтэххэ, 4,9 млрд солкуобайынан элбэх.
Аграфена КУЗЬМИНА