Мэдиссиинискэй тэрилтэлэр ыксаллаах балаһыанньаҕа көмөлөһөргө бэлэмнэр

Бөлөххө киир:

Сааскы халаан кэмигэр тахсан хаалыан сөптөөх ыксаллаах балаһыанньаҕа  мэдиссиинискэй тэрилтэлэр бэлэм буолалларын туһугар Саха Өрөспүүбүлүкэтин Доруобуйа харыстабылын министиэристибэтэ туспа былааннаах.

edersaas.ru

Нуорма быһыытынан, мэдиссиинискэй тэрилтэлэр эмсэҕэлээбит дьону көрөргө-истэргэ, ыксаллаах балаһыанньа түбэлтэтигэр эбии куойкалары таһаарарга бэлэмнэр.  Анал мэдиссиинэ көмө  биригээдэлэрэ,  пууннар тэрилиннилэр.

“Биһиги көмөҕө наадыйар дьоҥҥо  туох баар күүспүтүн уонна кыахпытын ууран туран, мэдиссиинискэй көмөнү хааччыйыахтаахпыт. Доруобуйа харыстабылын оройуоннааҕы звеноларын сэргэ, элбэх хайысхалаах улахан эмтиир тэрилтэлэр суһал уонна былааннаах көмөнү оҥорор отделениеларыгар саппаас биригээдэлэри уонна исписэлиистэри бэлэмнээтибит. Улахан ыксал тирээтэҕинэ,  көмө кэмигэр суһаллык кэлэрин курдук, санитарнай авиацияны туһаныахпытын сөп”, — диэн СӨ доруобуйа харыстабылын миниистирэ Лена Афанасьева иһитиннэрдэ.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0