Бэҕэһээ, сэтинньи 25 күнүгэр, РФ Судаарыстыбаннай Дууматын пленарнай мунньаҕар булгуччулаах мэдиссиинискэй страховкалааһын сокуонугар кэккэ уларытыыны киллэрэр бырайыагы үһүс ааҕыыга ылыннылар.
Онно мэдиссиинискэй полиһы сыыппара көрүҥэр көһөрүү баар. «Доруобуйа харыстабылын уонна булгуччулаах мэдиссиинискэй страховкалааһын систиэмэтигэр сыыппараны киллэрии хайаан да наада. Кумааҕы докумуон бүрүкүрээтийэ буолар. Сокуон бырайыагын быһыытынан 2024 сыл тохсунньу 1 күнүттэн мэдиссиинискэй өҥөнү туһаныан баҕарар киһи ханнык баҕарар докумуонун көрдөрөр кыахтаныаҕа. Холобур, көрдөрүнээччи кумааҕы полиһы дуу, пластиковай каартаны дуу туһанарын бэйэтэ талыаҕа», — диэн РФ Судаарыстыбаннай Дууматын Бэрэссэдээтэдэ Вячеслав Володин санаатын үллэстэр. Санатар буоллахха, 2022 сыл от ыйын 1 күнүттэн саҥа төрөөбүт оҕолорго кумааҕы мэдиссиинискэй полис наадата суох буолуоҕа.