Доруобуйа Маны аах

Мэдиссиинэ кислородун Дьокуускайга оҥорор буолуохтара

«Кислород Якутии» хампаанньа өрөспүүбүлүкэ балыыһаларыгар анаан мэдиссиинэҕэ туһаныллар кислороду оҥорууну саҕалаан эрэрин биллэрдэ. Дойдубут өссө биир тэрилтэтэ — «Сахаагроплем» бу табаары оҥорууну саҕалаары көҥүл ыла сылдьар.

Бу күҥҥэ диэри балыыһаҕа туһаныллар кислороду Хабаровскай кыраайтан аҕалар этилэр. Икки нэдиэлэ анараа өттүгэр Ил Дархан Айсен Николаев бырабыытылыстыба мунньаҕар кислород бэйэ оҥоһуутун хааччыйыыны суһаллык быһааралларын ирдээбитэ.

«Кислород Якутии» хампаанньа ааспыт нэдиэлэҕэ маҥнайгы 8 туонна убаҕас кислороду Нерюнгриттан Дьокуускайга ыыппыта. Бу хампаанньа филиала Дьокуускайга арыллара былааҥҥа турар. Билигин бары балыыһалар тиийинэн үлэлиилэрин туһугар Хабаровскай куораттан кэлэр кислороду кичэйэн тиэйэ, харайа сылдьаллар.

Эрэгийиэн баһылыга Айсен Николаев сорудаҕынан, өрөспүүбүлүкэ эмтиир тэрилтэлэригэр эбии кислород ыстаансыйалара атыылаһыллыахтара.

«Саха сирэ» хаһыат, edersaas.ru

Хаартыска sakha.gov.ru

0
0
Telegram @edersaas20