Мэдиссиинэ, үөрэх уонна успуорт тэрилтэлэригэр 1,6 млрд тахса солкуобай көрүлүннэ
Эрэгийиэннэргэ мэдиссиинэ, үөрэх уонна успуорт тэрилтэлэрин хааччыйыыга 1,6 млрд тахса солкуобай көрүлүннэ. Бу үбү биэрэр туһунан дьаһалга Бырабыыталыстыба Бэрэссэдээтэлэ Михаил Мишустин илии баттаата.
Федеральнай үбүлээһин көмөтүнэн мэдиссиинэ тэрилтэлэригэр суһал көмө 115 массыыната, үөрэх тэрилтэлэригэр илиини дезинфекциялыырга уонна температураны мээрэйдииргэ 6 тыһ. тахса комплекс бэриллиэҕэ.
Маны сэргэ оҕо искусствотын оскуолалара 1,5 тыһ. муусука саҥа тэрилин ылыахтара, оттон успуорт оскуолаларыгар 6 тыһ. инвентарь уонна тэрил атыылаһыллыаҕа.
Бу сыалларга үбү биэрии туһунан боппуруоһу бырабыыталыстыба муус устар 8 күнүнээҕи мунньаҕар көрбүттэрэ. “Былырыын түһэрсиллибит судаарыстыба хантараактарын толоруу туһунан кэпсэтии барда”, — диэн чопчулаата Михаил Мишустин.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: https://life.ru