Кардиологическай киин арыллыытын үөрүүлээх бэлиэ түгэнигэр, бүгүн, РФ Доруобуйа харыстабылын министиэристибэтин уонна СӨ судаарыстыбаннай наҕараадаларын үөрүүлээх быһыыга-майгыга туттардылар.
РФ Доруобуйаҕа харыстабылын миниистирэ Михаил Мурашко «Доруобуйа харыстабылын туйгуна» бэлиэни Килиниичэскэй киин дириэктэригэр Алквиад Булатовка, сүрэх-тымыр ыарыыларын эмтиир киин дириэктэрин солбуйааччы Николай Ильиҥҥэ, быраастар Андрей Николаевка, Владимир Осиповка, Наталья Силинаҕа, ыстаарскай сиэстэрэлэргэ Елена Бурцеваҕа, Туяра Улароваҕа туттартаата.
РФ Доруобуйа харыстабылыгар миниистирин махтал суруктара өрөспүүбүлүкэтээҕи кардиологическай диспансер дириэктэрин солбуйааччы Лена Сокольниковаҕа, бөлөх сэбиэдиссэйигэр Сергей Анисимовка, медсиэстэрэ-анестезист Роза Анисимоваҕа, быраас Алексей Слепцовка туттарылыннылар.
Айсен Николаев Саха Өрөспүүбүлүкэтин судаарыстыбаннай наҕараадаларын туттартаата. «СӨ Үтүөлээх бырааһа» быраас Сардана Ноговицына, «Гражданскай килбиэн» бэлиэнэн быраас Кузьма Колосов, Ил Дархан грамотатынан ыстаарскай операционнай медсиэстэрэ Наталья Петрова наҕараадаланнылар.
Андрей Сорокин (СИА) хаартыскаҕа түһэриилэрэ
+1
+1
+1
+1
+1
+1
+1