Мэдиссиинэ үлэһиттэригэр үрдээбит уоппускаларын төлөбүрүгэр 5 млрд тахса солкуобай көрүлүннэ

Ааптар: 
Бөлөххө киир:

Бырабыыталыстыба  мэдиссиинэ үлэһиттэригэр үрдээбит уоппускаларын эбэтэр коронавирус балаһыанньатыттан сылтаан уоппускаларыгар барбакка үлэлии  сылдьааччыларга, уоппускаларын толуйууга 5 млрд тахса  солкуобайы ыытыаҕа. Бу туһунан дьаһалга Бырабыыталыстыба бэрэссэдээтэлэ Михаил Мишустин илии баттаата.

Бу дьаһал быраастарга, орто уонна алын сүһүөх медперсоналга, суһал көмө суоппардарыгар сыһыаннаах. Үлэһиттэр бу категорияларыгар Бэрэсидьиэн сорудаҕынан, хамсык тарҕаныытын уустук усулуобуйатыгар үлэлээччилэргэ көҕүлүүр эбиликтэр төлөнөллөр.

Төлөбүрдэри уоппусканы ааҕыыга учуоттуохтара. Ол иһин, эбии үбүлээһин наадата итини кытта сибээстээх.

Үп-харчы Бырабыыталыстыба саппаас пуондатыттан киириэҕэ. 4 млрд солкуобайтан тахсаны эрэгийиэннэр ылыахтара уонна 1 млрд тахсаны – биэдэмистибэннэй мэдиссиинэ тэрилтэлэрэ.

РФ Бырабыыталыстыбатын саайтыттан

Бэлэмнээтэ Женни СТРЮКОВА

Хаартыскаҕа: сиэстэрэ З.Большакова

+1
0
+1
0
+1
0
+1
0
+1
0
+1
0
+1
0