Хоруона хамсыгын утары үлэлии сылдьар мэдиссиинэ үлэһиттэригэр үөрүүлээх быһыыга-майгыга наҕараадалар туттарылыннылар.
Долгутуулаах түгэн Норуот сомоҕолоһуутун күнүн көрсө буолла. СӨ Бырабыыталыстыбатын Бэрэссэдээтэлин э.т. Андрей Тарасенко олохпут бары эйгэтигэр содуллаах хоруона хамсыгын утары бүтүн аан дойду охсуһарын, бу дьаҥы хам баттыырга инники күөҥҥэ доруобуйа харыстабылын үлэһиттэрэ сылдьалларын бэлиэтээн эттэ. Өрөспүүбүлүкэ уонна дойду тускулун туһугар талан ылбыт идэлэринэн бэйэлэрин харыстаммакка бары кыһамньыларын ууран үлэлии сылдьалларыгар махтанна.
«Ил Дархан Айсен Николаев биллэрбит Ийэ дойдуга бэриниилээх буолуу сылыгар, Саха сирин олохтоохторо бары күүстэрин, сатабылларын түмэн, кыһамньыларын ууран көхтөөх үлэлэринэн төрөөбүт дойдулара чэчирии сайдарыгар кылааттарын киллэрсэллэр», — диэтэ кини.
Бу күн дохсун ытыс тыаһыгар доҕуһуоллатан «СӨ үтүөлээх бырааһа», «СӨ доруобуйа харыстабылын үтүөлээх үлэһитэ» бочуоттаах ааттар, Ил Дархан грамоталара, РФ Бэрэсидьиэнин махтал суруктара, ону сэргэ, «Гражданскай килбиэн» бэлиэлэр туттарылыннылар, махтал тыллар этилиннилэр.
Наҕараадаламмыттар толору испииһэктэрин манна киирэн көрүөххүтүн сөп.
СӨ Ил Дархан уонна Бырабыыталыстыба пресс-сулууспата
Андрей Сорокин (СИА) хаартыскаҕа түһэриилэрэ
+1
+1
+1
+1
+1
+1
+1