Мэдиссиинэ үлэһиттэрэ наҕараадаланнылар

Ааптар: 
23.10.2020
Бөлөххө киир:

Саха сирин үрүҥ халааттаах аанньаллара үрдүк наҕараадаҕа тигистилэр.

РФ премьер-миниистирэ Михаил Мишустин Лука Крымскай мэтээлинэн өрөспүүбүлүкэтээҕи килиниичэскэй балыыһа медсиэстэрэлэрин Екатерина Саввинованы уонна Сусанна Козлованы наҕараадалаабытын туһунан СӨ Доруобуйа харыстабылын министиэристибэтин пресс-сулууспата иһитиннэрэр.  Үөрүүлээх бэлиэ түгэн Москваҕа бэҕэһээ, алтынньы 22  күнүгэр, буолла.

-Эһигинэн сирэйдээн бары быраастарга, мэдиссиинэ үлэһиттэригэр — биһиги доруобуйабыт туһугар кыһамньыларын уурар дьоҥҥо, олоххут суолугар мэдиссиинэни талан ылбыккытыгар уонна туох баар күүскүтүн-уоххутун, билиигитин-көрүүгүтүн, өйгүтүн-санааҕытын, бириэмэҕитин онно уураргытыгар махтанабын, — диэбит Мишустин.

Маны сэргэ, РФ Бэрэсидьиэнин Бочуоттаах грамотатынан, Махтал суругунан, Пирогов уордьанынан, куйаар ситиминэн ыраахтан олорон, өрөспүүбүлүкэҕэ мэдиссиинэ эйгэтин 17 үлэһитэ наҕараадаланна. Толору испиигэһи СӨ Доруобуйа харыстабылын министиэристибэтин саайтыгар киирэн көрүөххүтүн  сөп.

+1
0
+1
0
+1
0
+1
0
+1
0
+1
0
+1
0