Маны аах Эдэр саас

Мэдиссиинэ кэллиэһигэр — билиини, сатабылы көрдөрөр эксээмэн



Дьокуускайга мэдиссиинэ кэллиэһигэр үөрэнэн ылбыт билиилэрин, сатабылларын эксээмэҥҥэ көрдөрөн туттараллар. 

Бэс ыйын 7-11 күннэригэр Дьокуускайга мэдиссиинэ кэллиэһин баазатыгар түмүктүүр аттестацияҕа — эскээмэҥҥэ итинник ураты ньыманан туттарыы буола турар. Маннык эксээмэни «Лечебное дело», «Фармация», «Лабораторная диагностика» уонна «Технология эстетических услуг» салааны бүтэрээччилэр, барыта 92 устудьуон туттарар диэн кэллиэстэн иһитиннэрэллэр.
Дьокуускайдааҕы мэдиссиинэ кэллиэһэ «Агентство развития профессионального мастерства» (Ворлдскиллс Россия) кэммиэрчэскэйэ суох Автономнай тэрилтэ талбыт, аныгы тэриллэринэн хааччыллыбыт анал былаһааккалардаах уонна сорудахтары толорорго кыаҕы биэрэр,  сатабылы көрдөрөр (демонстрационнай, ЦПДЭ- центр проведения демонстрационного экзамена) эксээмэни ыытар киининэн буолар.
Итинник ньыманан ыытыллар эксээмэҥҥэ үлэ биэрээччи үөрэҕин саҥа бүтэрэр эдэр устудьуон практическай сатабылын уонна теорияны практикаҕа сатаан туһанар дьоҕурдааҕын көрөн сыаналыыр кыахтанар. Эксээмэни сыаналааһыҥҥа үлэ биэрээччилэртэн 72 эспиэр үөрэҕи ааста.
Сатабылы көрдөрөн туттарыы эксээмэн түмүгүнэн выпускниктар компетенциялар пааспардарын (Skills Passport) — Worldskills Russia халыыбыгар сөп түбэһэр үөрүйэхтээхтэрин, сатабылларын бигэргэтэр докумуону туталлар. Компетенция пааспара орто анал үөрэҕи бүтэрбиттэрин туоһулуур дипломҥа уонна портфолиоҕа улахан суолталаах  эбиинэн буолар.
0
0