Мэдиссиинэҕэ саҥа уларыйыылар

Бөлөххө киир:

2021 сылтан федеральнай килииникэлэргэ үрдүк технологиялаах мэдиссиинэ босхо көмөтүн быраас туһаайар суруга (направлениета) суох ылыахха сөп буолла. Манна булгуччулаах мэдиссиинэ страховкатын полиһын (ОМС) эрэ көрдөрөҕүн.

Ону тэҥэ, паллиативнай көмөнү ылыы эмиэ чэпчээтэ, диспансеризация кыаҕа кэҥээтэ, искэни туруорбут диагнозтарын хос бэрэбиэркэлэтиэххэ сөп буолла. Бу барыта гражданнарга босхо мэдиссиинэ көмөтүн оҥорору мэктиэлиир саҥа судаарыстыбаннай бырагыраама чэрчитинэн оҥоһуллар.

Пациент көрдөрүнэр поликлиникатын эрэ буолбакка, федеральнай мэдиссиинэ киинин бэйэтэ талыан сөп. Поликлиникаттан, быраастан туһаайар сурук (направление) аны ирдэммэт.

Паллиативнай амбулаторнай көмө кээмэйэ кэҥээн, дьиэҕэ тиийэн патронажнай көмөнү оҥоруу элбиэхтээх. Паллиативнай көмө – кыайан эмтэммэт ыарахан ыарыылаах дьон олоҕун чэпчэтэр миэрэлэр.

Ангелина Васильева, «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0