Медиктэр эбии төлөбүрдэри ылаллар

Бөлөххө киир:

Саха сиригэр коронавируһу утары охсуһа сылдьар мэдиссиинэ үлэһиттэрэ хамнастарыгар эбии төлөбүрдэри ылан эрэллэр.

edersaas.ru

Ол курдук, кулун тутардааҕы 70 мөлүйүөн солкуобай кэриҥэ суумалаах федеральнай төлөбүрдэри 1369 медик ылбыта. Муус устардааҕы 34,4 мөлүйүөн суумалаах төлөбүрдэри билиҥҥитэ 632 медик ылла. Федеральнай төлөбүрдэри биэрэр туһунан Владимир Путин ыйааҕа муус устар 2 күнүгэр тахсыбыта.

Ону тэҥэ, өрөспүүбүлүкэ эмиэ туспа төлөбүрдэри олохтообута: быраастарга – 66 тыһыынча солкуобайы, сиэстэрэлэргэ, биэлсэрдэргэ – 40 тыһыынча солкуобайы, санитардар, “суһал көмө” суоппардара – 20 тыһыынча солкуобайы. Билиҥҥи туругунан, 40 мөлүйүөн суумалаах төлөбүрдэри 2 тыһыынчаттан тахса мэдиссиинэ үлэһитэ ылла.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0