Бэрэсидьиэн Владимир Путин коронавируһу утары охсуһа сылдьар миэдиктэргэ эбии төлөбүрү алтынньыга уһатар туһунан эттэ.
Оттон балаҕан ыйын 29 күнүгэр буолбут бырабыыталыстыба мунньаҕар вице-премьер Татьяна Голикова 2021 сыл саҕаланыар диэри эбии төлөбүрү уһатар туһунан этии киллэрбитэ. Кини бу этиини быраастары кытта көрсүһүүлэр кэннилэриттэн ылыммыт. Владимир Путин бу этиини өйөөтө.
Урут ылыллыбыт бырабыыталыстыба уурааҕынан, эбии төлөбүрдэри биэрии алтынньынан тохтуохтаах этэ. Дойду аҕа баһылыга үп министиэристибэтигэр бу төлөбүрдэргэ төһө суума наадатын ааҕынан, алтынньыга үп-харчы көрүллэрин хааччыйалларыгар сорудахтаата.
Алтынньы кэнниттэн 2021 сыл бүтүөр диэри коронавируһу утары охсуһар мэдиссиинэ үлэһиттэрэ чопчу үлэлээбит чаастарынан ааҕан, эбии төлөбүрдэри ылыахтара.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1