Бүгүн, ыам ыйын 27 күнүгэр, Мэҥэ Хаҥалас улууһугар коронавирус туругун туһунан Илин Аартык Ютуб ханаалыгар суһал биэрии таҕыста. Мэҥэ Хаҥалас улууһа өрөспүүбүлүкэ үрдүнэн улахан нэһилиэнньэлээх оройуоннартан биирдэстэрэ буолар. Коронавирус дьаҥа тарҕаныытын бохсор туһунан суһал биэриини тэрийбит Мэҥэ Хаҥалас улууһун социальнай политикатын салайааччыта Ирина Назарова санаатын үллэһиннэ:
— Бу сааскыттан коронавирус дьаҥын тарҕаныыта наһаа элбээтэ. Хомойуох иһин, улууспут үрдүнэн вакцина ылыытын утарар информация күн ахсын тарҕана турар. Ол иһин олохтоох ыччаты көҕүлээн, Олоҥхо дьиэтин уонна бэйэбит салалтабыт исписэлиистэрэ буолан суһал биэриини таһаардыбыт. Биир дойдулаахтарбыт, атын да оройуоннар көрөн санааларын уларытыахтара диэн бигэ эрэллээхпит.
Коронавирус дьаҥын утары маассабай быһыы оҥоһулуннаҕына эрэ ыарыы тохтуур кыахтаах диэн санаанан мэҥэ хаҥаластар оҥорбут биэриилэрин үөһэ сигэнэн киирэн көрүҥ.