Өлүөнэ өрүһү туоруур «Хивус» суудунаҕа тарыып күн бүгүнүгэр диэри 2000 солкуобайтан түспэккэ турар. Ол да үрдүнэн, кыһалҕалаах дьон суудунаҕа олорсоругар тиийэр. Сыана аһара үрдүгүттэн сылтаан, Мэҥэ Хаҥалас дьаһалтата чэпчэтиилээх билиэттэри атыыга таһаарда.
Анивера АКИМОВА, «Саха сирэ» хаһыат, edersaas.ru
Чэпчэтиилээх билиэт төһө харчынан быһыллыбытын билээри, улуус дьаһалтатыгар төлөпүөннүү сырыттым. Онуоха, ыам ыйын 4 күнүттэн саҕалаан Аллараа Бэстээх – Дьокуускай хайысхатынан СВП КАЙМАН-10 диэн суудунанан бэтэрээннэри, элбэх оҕолоох ыаллары, инбэлииттэри уонна да атын категория гражданнарын арыый да чэпчэки сыанаҕа таһыахтара. Ол курдук, чэпчэтиилээх билиэт 1000 солкуобайынан быһыллыбыт. Дьаһалта исписэлииһэ «Эдэр саас» сайтка иһитиннэрбитинэн, суудуна Дьокуускайтан (202-с микро-оройуонтан) сарсыарда 7 чаастан, оттон Аллараа Бэстээхтэн 8 чаастан айанныыр. Салгыы иккилии чаас буола-буола дьону таһыахтара. Чэпчэтиилээх толуоннар Аллараа Бэстээх бөһүөлэгэр Кооперативнай уулусса 2/1 (дьаһалта) сарсыарда 8 чаастан 17 чааска диэри атыыланаллар (билсэр төл. 89246623572).
[vc_text_separator title=»» i_icon_fontawesome=»fa fa-anchor» color=»pink» add_icon=»true»]Даркылаахтан айанныыр «Хивус» суудуналаах урбаанньыттар сыаналарын түһэрэр былааннара суох. Дьиҥэр, ыам ыйын 3 күнүттэн Тырааныспар уонна суол хаһаайыстыбатын министиэристибэтин исписэлиистэрин бэрэбиэркэтэ саҕаламмыта. Урбаанньыттар уматыкка, саппаас чааска ороскуоппут элбэх диэн миниистири кытары көрсүһүү кэмигэр этиммиттэрэ.
Анивера АКИМОВА, «Саха сирэ» хаһыат, edersaas.ru