Мэҥэ Хаҥаласка түөрт нэһилиэк инники күөҥҥэ иһэр

Мэҥэ Хаҥалас улууһугар 33 куоластыыр учаастакка РФ Төрүт Сокуонугар уларытыылары киллэриигэ куоластааһын салҕанан бара турар.

Бүгүн 14.30 чааска ылыллыбыт көрдөрүүлэринэн, улууска ортотунан 58,24% быыбардааччы куоластарын биэрэн барбыттар. 

Ордук көхтөөх кыттыыны Дойду, Бырама, Хаатылыма, Өлөчөй куоластыыр учаастактара көрдөрбүттэр. Манна 88-95%  күн ортотугар диэри Төрүт Сокуоҥҥа уларыйыы киирэрин сөбүлүүллэрин эбэтэр утаралларын туһунан кэлэн куоластаан биллэрбиттэр. Улуус үрдүнэн бу кэмҥэ 14 тыһыынчаттан тахса киһи куоластаабыт.