Тыа сирин улуустарыттан ханнык улуустарга дьаҥҥа хаптарыы улаханый?
Бүгүн ковиды бохсууга үлэлиир суһал ыстаап иһитиннэрбитинэн, өрөспүүбүлүкэ үрдүнэн 179 киһи дьаҥҥа хаптарбыта бэлиэтэммит. Ол иһигэр, Дьокуускайга – 70 киһи. Өрөспүүбүлүкэ атын улуустарыгар балаһыанньа хайдаҕый? Алдан (13), Мииринэй (15), Нерюнгри (14) оройуоннарыгар балаһыанньа син биир уустук.
Мэҥэ Хаҥалас улууһугар – 8, Уус Алдан улууһугар – 6, Бүлүү оройуонугар – 7 , Таатта оройуонугар – 5, Амма уонна Ленскэй оройуоннарыгар – 4-түү, Үөһээ Бүлүү, Кэбээйи уонна Ньурба оройуоннарыгар – 3-түү, Булуҥ, Дьааҥы, Горнай, Эдьигээн, Муома, Нам, Өймөкөөн, Өлүөхүмэ, Томпо, Уус Маайа уонна Чурапчы оройуоннарыгар – 2-лии, Өлөөн уонна Хаҥалас оройуоннарыгар – 1-дии киһи ыалдьыбыта бэлиэтэнэр.
Суукка устата өрөспүүбүлүкэ лабораториялара 1018 чинчийиини ыыттылар. Хамсык саҕаланыаҕыттан 861079 тиэст оҥоһуллубут.
Кытаатыҥ, харыстаныҥ, мааската кэтиҥ, Саҥа дьылы этэҥҥэ көрсүҥ!
Бэлэмнээтэ Женни Стрюкова