Мэҥэ Хаҥалас улууһун баһылыгын быыбарыгар Семен Потапов кандидатурата туруорулунна

Бу күһүн Мэҥэ Хаҥалас улууһун баһылыгын быыбара буолуоҕа.

Бүгүн Мэҥэ Хаҥаластааҕы быыбардыыр хамыыһыйа улуус баһылыгын дуоһунаһын быыбарыгар Семен Семенович Потапов кандидатуратын регистрациялаабытын  туһунан Саха сирин киин быыбардыыр хамыыһыйата иһитиннэрдэ. Семен Семенович Потапов «Биир ньыгыл Арассыыйа» баартыйа аатыттан турда.  Санатар буоллахха, улуус быыбара быйыл балаҕан ыйын 11 күнүгэр буолар.

Хаартыска — Саха сиринээҕи киин быыбардыыр хамыыһыйа телеграм-канаалыттан.