Маны аах Уопсастыба

Мэҥэ Хаҥалас улууһа онлайн-биэрэпискэ инники күөҥҥэ иһэр

Нэһилиэнньэ онлайн-биэрэпиһи сэргээбит. Ханнык улуустар бэркэ кытыннылар?

Алтынньы 26 күнүнээҕи туругунан, Саха сирин олохтоохторун 49,7% Бүтүн Арассыыйатааҕы нэһилиэнньэ биэрэпиһигэр кытынна. Биэрэпиһи ааспыт дьон ахсаанынан ТОП-5 иһигэр Абый  улууһа — 84,3%, “Үөһээ Халыма оройуона” — 81,2%, “Уус Маайа улууһа” — 78%, “Бүлүү улууһа” — 74,4% киирдилэр диэн Сахастат суруйар.

Өрөспүүбүлүкэ нэһилиэнньэтин 14 % тахсата “Госөҥө” нөҥүө биэрэпиһи аастылар.  Интэриниэт-биэрэпиһи нэһилиэнньэ аан бастаан ааһар кыахтанна. Бу өҥөнү дьон сөбүлээтэ. Биэрэпис дьон аныгы цифровой көрүҥнэргэ көһөр баҕалааҕын көрдөрдө.

Онлайн-биэрэпискэ Мэҥэ Хаҥалас инники иһэр. “Госөҥө” порталыгар оройуон олохтоохторун 21,7% киирбит.

Онлайн ааспыттар:

Нэһилиэнньэ 15 %-тан 21% диэри муниципальнай оройуоннар: Нерюнгри — 15%, Мииринэй – 15,7%, Амма – 16,5%, Нам – 18,3%, Сунтаар – 18,5%, Өймөкөөн – 18,8%, Горнай – 20,8%  уонна “Дьокуускай куорат” уокуруга — 17,3%;

10 %-тан 15% диэри: Чурапчы – 10,2%, Уус Маайа -10,7%, Алдан – 10,7%, Ленскэй – 11,4%, Таатта – 11,4%, Ньурба — 12,6%, Уус Алдан – 13,4%, Хаҥалас  — 13,5%, Бүлүү – 14,5% уонна “Жатай”  — 14,2%;

10% диэри: — Үөһээ Бүлүү – 4,6%, Абый – 7,4%, Үөһээ Халыма – 7,5%, Өлүөхүмэ – 7,7%  уонна   Томпо – 8,2%.

Маны сэргэ 1,6 тыһыынча биэрэписчит планшетнай компьютердаах ыаллары олорор сирдэринэн кэрийэллэр уонна биэрэпиһи ыытар 200 тахса учаастакка суруйаллар.

Нэһилиэнньэ Бүтүн Арассыыйатааҕы биэрэпиһигэр аан бастаан волонтердар кытталлар, кинилэр соруктара – дьоҥҥо биэрэпис туһунан кэпсээһин, ньымаларын билиһиннэрии, стационарнай учаастактарга сүбэ-ама биэрии.

Саха сирин олохтоохторо “Госөҥө” порталыгар биэрэпистэнэр илииһи электроннай толоруулара уонна нэһилиэнньэни 2021 сыллааҕы Бүтүн Арассыыйатааҕы нэһилиэнньэ биэрэпиһин толорууга көҕүлээһини маннык ньымаларынан ыытыы көдьүүстээҕэ көһүннэ.

Сахаговтан

Бэлэмнээтэ Женни Стрюкова

Хаартыска: тустаах саайтан

 

0
0
Telegram @edersaas20