Айылҕа харыстабыла

Мэҥэ Хаҥалас Суолатын баһаара кутталы үөскэппэт

Мэҥэ Хаҥалас улууһун Суола нэһилиэгин баһылыга Валерий Никифоров иһитиннэрбитинэн, ааспыт нэдиэлэҕэ өрө турбут баһаар билигин умуруоруллан кутталы үөскэппэт.

– Бөһүөлэкпититтэн алта биэрэстэлээх сиргэ ойуур баһаара тахса сылдьыбыта. Үс га сиргэ минерализованнай балаһа ууран турабыт. Баһаарга бастакы күн отуттан тахса киһи, иккис күн 25 киһи үлэлээбитэ. Нэһилиэккэ баар тиэхиньикэни таһынан Бэдьимэттэн эбии уу таһар массыына кэлэн көмөлөспүтэ. Нэһилиэк дьоно бары тахсан субуотунньуктаан баһаары ханна да ыыппатыбыт. Салгыы күөдьүйэн тахсыбатын диэн күннэтэ кэтии олоробут, – диэн этэр кини.

Аграфена КУЗЬМИНА.

2
0
Telegram @edersaas20