Бүгүн Мэҥэ Хаҥалас улууһун баһылыга Николай Старостин дуоһунаһыттан устуммутун уонна улуус баһылыгын эбээһинэһин б.к. толорооччунан Семен Потапов анаммытын туһунан иһитиннэрии тарҕанна.
Чуолкайын билээри, Мэҥэ Хаҥалас улууһун дьокутааттарын Сэбиэтин бэрэссэдээтэлэ Павел Сазоновтыын билсибиппитигэр, “Ити сымыйа сурах. Николай Старостин дуоһунаһын боломуочуйата быйыл балаҕан ыйыгар бүтэр, онон онуоха диэри баһылыгынан үлэлиир. Боломуочуйата аны күһүн бүтэрин туһунан ааспыт нэдиэлэҕэ ыытыллыбыт отчуоттуур мунньахха иһитиннэрбитин сыыһа өйдөөбүттэр быһыылаах”, — диэн быһааран биэрдэ.
Александр Тарасов, «Саха сирэ».
+1
+1
+1
+1
+1
+1
+1