Мэҥэҕэ лаборатория үчүгэйдик үлэлиир

Ааптар: 
Бөлөххө киир:

Бүгүн Мэҥэ Хаҥалас улууһун уонна “Дойду эрэлэ” ыччат инстаграм-страницаларыгар Мэҥэ Хаҥалас улууһун дьаһалтатын баһылыгын бастакы солбуйааччы Семен Потапов быһа эфирэ буолла.

Семен Семенович улууска дьаҥ тарҕаныытын туругун уонна сэрэтэр үлэ хайдах ыытылларын туһунан кэпсээтэ.

— Интэринээккэ бүгүҥҥү туругунан 66 оҕо (9-11 кыл.) олорор. Лабораторияҕа күҥҥэ 270 анаалыс оҥоһуллар. Итинтэн 50-на кэккэ сытар улуустарбыт дьонун анаалыһа буолар. Коронавирус дьаҥа туруоҕуттан улууска суһал ыстаап тэриллэн, улуус баһылыга Николай Старостин салалтатынан үлэлиир. Бу муус устар 25 күнүттэн ыла уопсайа 11 мунньах ыытылынна. Офиска үлэлээччилэртэн 50 бырыһыанын тэйиччиттэн үлэҕэ ыыппыппыт. 65 саастарыттан үөһэ саастаах кырдьаҕас дьоҥҥо ыччат көмөлөһөр. Күҥҥэ 20 сайаапка киирэр. Араадьыйанан ыарахан дьаҥтан сэрэтии үлэтэ күүскэ ыытылла турар. Маҕаһыыннарга мааска эрэсиимин кэтээн көрүү ыытыллар. Манна административнай хамыыһыйа, полиция үлэһиттэрэ күүс-көмө буоллулар. Бэрэбиэркэлэр сүрүннээн Майаҕа, Павловскайга, Төҥүлүгэ, Аллараа Бэстээххэ ыытыллаллар. Сааскы кэминэн, халлаан сылыйбытынан оҕо мустуутун аҕыйатар сыалтан эмиэ сэрэтэр үлэ ыытыллар. 452 киһи ыалдьа сылдьыбыт буоллаҕына, бүгүҥҥү күҥҥэ 380-ҥа түстүбүт,  — диэтэ кини.

Семен Семенович бу ыарыы күүскэ тарҕана турар кэмигэр дьоҥҥо-сэргэҕэ сылдьыыны тохтотуохха диэн сүбэлээтэ. Үбүлүөйдэри, малааһыннары ыытыыны кылгас кэмҥэ тохтотор ордугун эттэ. Кини бэлиэтээбитинэн, хантаактаспыт дьон үксүлэрэ ыалдьыбыт. Онон сэрэхтээх буолууну, бэйэ-бэйэни харыстаһары умнар табыллыбат диэн бээйтин этиитин түмүктээтэ.

Дьон волонтердар үлэлэрэ хайдах тэриллэрин туоһуласта.

Бэлэмнээтэ Женни Стрюкова

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0