Мэҥэ алаастарын сатыы кэрийэр куорат уола

Ааптар: 
Бөлөххө киир:

46 саастаах Дьокуускай куорат олохтооҕо, урбаанньыт Александр Протодьяконов сатыы хаамыы бырайыагын ситиһиилээхтик олоххо киллэрэ сылдьар.

Сайыҥҥы-күһүҥҥү уоппускаларыгар дьон “ханна сынньана барыахха?” диэн мунаарар кэмнэригэр, нэһилиэктэн нэһилиэккэ сатыы хаамыыны туризм салаатыгар, нууччалыы эттэххэ,   “импортозамещение” биир көрүҥүн быһыытынан ылыныахха сөп.  Онон куорат урбаанньыта сатыы хаамыы туһаайыыларын бэйэтэ соҕотоҕун сылдьан үөрэтэн баран, кэнэҕэс баҕалаах дьону төрөөбүт дойдуларын билиһиннэрэр сыаллаах кэскиллээх туристическай бырайыагы олоххо киллэрэр санаалаах.

Александр бу маннык хаама сылдьан үгүс киһини кытта көрүстэ.

Ол курдук, бу үөлээннээҕин кытта көрсүбэтэҕэ уонтан тахса сыл буолбут. Александр Москваҕа бииргэ үөрэммит доҕоро кимий? Ханнык алааска доҕордуулар көрсө түстүлэр?

Оттон бу хаартыскаҕа олорор киһитэ биир олус биллэр киинэҕэ сүрүн дьоруой оруолун толорбут. Александр Протодьяконов Бэдьимэҕэ кимниин көрүстэ?

Бу кырачаан дьон сатыы хаамыынан дьарыктанар киһини истээт, көрсүһүүгэ хайаан да кэлэргэ санаммыттар. Турист кимнээххэ ыалдьыттаата?

Оҕолор хаамыыны интэриэһиргиир төрүөттэрэ туох эбитий?

Бу ыччат Александр олох чугас аймаҕа эбит. Кинилиин эмиэ ханнык нэһилиэк алааһыгар көрүстэ?

Бу ыйытыктарга хоруйдары  чэппиэрдээҕи хаһыакка «Сатыы хаамыы дууһаны сынньатар» матырыйаалбар аахтаххына билиэххит. «Саха сирэ» хаһыат сарсыҥҥы сибиэһэй нүөмэрин дьоруойунан ыраах муораҕа күнүн-дьылын бараабакка, соҕотоҕун алаастары кэрийэн дууһалыын сынньанар куорат олохтооҕо, турист Александр Протодьяконов буолар. Онон «Саха сирэ» хаһыаты ааҕыҥ, үгүс сонуну билиҥ.

Елена ПОТОЦКАЯ, «Саха сирэ» хаһыат.

Хаартыска — Александр Протодьяконов тиксэриитэ.

+1
0
+1
0
+1
0
+1
0
+1
0
+1
0
+1
0