Валентина Матвиенко Японияны кытта виза режимин сымнатар туһунан Айсен Николаев этиитин өй...
Олох-дьаһах

Валентина Матвиенко Японияны кытта виза режимин сымнатар туһунан Айсен Николаев этиитин өйөөтө

Арассыыйа уонна Япония икки ардыларыгар бииргэ ыкса үлэлээһиҥҥэ виза режимин судургутутуохха. Бу туһунан ыам ыйын 14 күнүгэр Федерация Сэбиэтигэр Валентина Матвиенко Арассыыйа уонна Япония губернатордарын кытта көрсүһүүтүгэр Айсен Николаев эттэ.

Өрөспүүбүлүкэ баһылыга Саха сирэ Япониялыын араас хайысхаларга көхтөөхтүк үлэлэһэрин бэлиэтээтэ. Бүгүн Дьокуускайга Япония банкирдарын уонна урбаанньыттарын улахан дэлэгээссийэтэ кэлэ сылдьарын, кэккэ инновационнай бырайыактары дьүүллэһэллэрин эттэ. Маны сэргэ Дьокуускай таһынааҕы Сыырдаах сэлиэнньэтигэр сылы эргиччи үлэлиир “Саюри” тэпилииссэ комплекса арылынна.

“Саха сирэ Японияны кытта ыкса үлэлэһэр. Ол эрээри виза кытаанах режимэ көхтөөхтүк бииргэ үлэлэһэргэ мэһэйдиир. Виза режимин судургутутар туһунан дойдулар күүскэ хамсаныахтаахтар. Биисинэс уонна гуманитарнай бииргэ үлэлээһин өттүгэр виза ирдэбиллэрин чэпчэтии ирдэнэр”, — диэн этии киллэрдэ өрөспүүбүлүкэ баһылыга.
Арассыыйа парламенын үрдүкү палататын спикерэ Валентина Матвиенко Айсен Николаев этиитин өйөөтө уонна Арассыыйа Японияны кытта виза режимин сымнатыыга үлэлэһиэ диэтэ, ол иһигэр электроннай визалары уонна атын форматтары киллэриигэ.

Матвиенко Арассыыйа регионнарын уонна Япония префектураларын губернатордарын бу хайысхаҕа быһаччы үлэлэһэргэ ыҥырда: “Ситэриилээх былаас кэпсэтиилэри ыытан, биисинэһи тэрийиигэ кыахтары арыйалларыгар көҕүлүөххэ”. Сенатор этэринэн, Арассыыйа 82 региона Япония префектураларын кытта ыкса сибээстэһэр, 50-ча куорат ыкса сибээстээх.

Федерация Сэбиэтин спикерэ Айсен Николаев Японияны кытта экология технологияларын боппуруостарыгар ыкса үлэлэһэр туһунан этиитин өйөөтө, ол иһигэр бөҕү-сыыһы таҥастааһыҥҥа.

Регионнар хардарыта барыстаахтык бииргэ үлэлээһиннэригэр усулуобуйа тэрийэр суолтатын туһунан Япония губернатордарын национальнай ассоциациятын бэрэсидьиэнэ Киёси Уэда эмиэ бэлиэтээтэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

5 × четыре =