Матрена Павлова: «Олоҕу кытта дьүөрэлэһэн, сокуон уларыйахтаах»

Ааптар: 
Бөлөххө киир:

Дойду Төрүт сокуонугар  уларытыылар, көннөрүүлэр туһунан араас кэпсэтиилэр бара тураллар.

edersaas.ru

Кэрэхсэбиллээҕэ баар, бу улахан суолталаах боппуруоска тыа сирин олохтоохторо көхтөөхтүк кытталлар. Хаҥалас улууһун Өктөм нэһилиэгин олохтооҕо Матрена Павлова санаатын бу курдук үллэстэр:

Төрүт Сокуоҥҥа уларытыылар киирэллэрин сэргээччилэр да, утарааччылар да бааллар.   Мин  санаабар, сокуон олоҕу кытта дьүөрэлэһэ уларыйан, саҥардыллан иһиэхтээх. Мин бэйэм социальнай хайысхалаах ыстатыйалары өйүүбүн. Холобур, биэнсийэ булгуччу индексацияланыахтааҕын, үлэлиир киһи хамнаһа аччаабакка, дьон тиийинэн олоруутун алын кээмэйиттэн намыһах буолуо суохтааҕын туһунан. Саамай биһириирим — оҕо уонна  дьиэ кэргэн өйөбүллэрэ Төрүт Сокуонунан мэктиэлэниилэрэ.

Сахам сирин дьоно-сэргэтэ, Төрүт Сокуонунан сирдэтэн, тэҥ бырааптанан, инникибит диэки бары тутуспутунан эрэллээхтик хардыылыаҕыҥ, сайдыы суолун тутуһуоҕуҥ диэн ыҥырабын!

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0