Маста олорт — аахсыйаҕа кыттыс

Бөлөххө киир:

«Өйдөбүнньүк саада» (“Сад памяти”) аан дойдутааҕы аахсыйа аан бас­таан 2020 сыл­­лаахха ыытыллыбыта. Аахсыйа сыала-соруга – Аҕа дойду Улуу сэриитигэр өлбүт хас биирдии ки­­һиэхэ күөх өйдөбүнньүктэри оҥоруу. Барыта – 27 мөлүйүөн өлбүт саллаат өйдөбүнньүгэр —  27 мөлүйүөн мас!

edersaas.ru

Аахсыйа ыытыллар бастакы сылыгар Арассыыйа 85 эрэгийиэниттэн 300 тыһыынчаттан тахса киһи уонна 50-тан тахса дойду киэҥ хабаан­наах көҕүлээһиҥҥэ номнуо кыттыспыта. Аахсыйа ыытылларыгар хамсык да мэһэйдээбэтэ –  биһиги уонна омук дойдуларын олохтоохторо “Дьиэҕэ өйдөбүнньүк саада” саҥа форматы өйөөн, бэйэлэрин ­учаастактарыгар мастары олортулар уонна оҕолоро уруһуйдаабыт мастарын социальнай ситимнэргэ та­­һаардылар. РФ Бэрэсидьиэнэ Владимир Путин Ржевскэй мемориалга сэ­­биэскэй саллаакка мас олордон,  “Өйдөбүнньүк саадын”   эмиэ өйөөтө. Судаарыстыба баһылыга биллэрбитинэн,  аахсыйа сыл аайы ыытыллар.

2021 сыл кулун тутар 18 күнүгэр аахсыйа иккис төгүлүн өссө киэҥ хабааннаахтык саҕаланна.  Аҕа  дойду Улуу сэриитэ биллэриллибитэ 80 сылыга аахсый Үлэҕэ албан аат куораттарын, Аҕа дойду Улуу сэриитин сүрүн өйдөбүнньүк күннэрин, миэстэлэрин уонна дьоруойдар ааттарын хабыаҕа. Ону сэргэ, атын саҥа сүүрээннэр киириэхтэрэ – оскуолаҕа Бүтэһик чуораан күнүгэр  дойду бары үөрэнээччилэрэ аахсыйаҕа кыттыахтара. Бэлиэтээн эттэххэ, аахсыйа Севастопольтан саҕаланар, манна өйдөбүнньүк саада кылаабынай амбассадор, “норуот эписиэрэ” Василий Лановой чиэһигэр олохто­нуоҕа. Аахсыйа Бресткэ түмүктэниэҕэ, ол туһунан дуогабары икки судаарыстыба баһылыктара ылыммыттара.

“Өйдөбүнньүк саада” аан дойдутааҕы аахсы­йаны   “Кыайыы волонтердара” Бүтүн Арассыыйатааҕы уопсастыбаннай хамсааһын уонна Кыайыы полководецтарын өйдөбүнньүгүн пуондата Арассыыйа Айылҕаҕа харыстабылын министиэристибэтин уонна Рослесхоз  (“Экология” национальнай бырайыак уонна айылҕа харыстабылын Бүтүн Арассыыйатааҕы уопсастыба чэрчилэринэн)  өйөбүллэринэн ыыталлар. Аахсыйа генеральнай партнера – “Русская медная компания”.

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ нэһилиэнньэни аахсыйаҕа кыттыһарга уонна өлбүт саллааттарга ытыктабыл бэлиэтигэр мас олордорго ыҥырар. “Ойуур хаһаа­йыстыбата” ГКУ, министиэ­ристибэ биэдэмистибэлэрэ сайаапканан олордорго көҥүл биэ­рэллэр.

Аахсыйаҕа кыттар туһунан сиһилии иһитиннэрии  РФофициальнай саайтыгар «Каарта» түһүмэххэ «Өйдөбүнньүк саадыгар» баар.

«Саха сирэ», edersaas.ru сайтка анаан Наталья КОЛОДЕЗНИКОВА

+1
0
+1
0
+1
0
+1
0
+1
0
+1
0
+1
0