Массыына атыыласпыт дьон 10 күн иһигэр массыыналарын учуокка туруоруохтаахтар. Дьокуускай куоракка бэйэ кэлэн уочараттаан учуокка туруоруу оптуорунньукка эрэ оҥоһуллар. Бу күн сүрүннээн Судаарыстыбаннай өҥө (Госуслуги) порталыгар кыайан киирбэт уонна Арассыыйа гражданствота суох дьон кэлэр. Итинтэн атын күннэргэ Судаарыстыбаннай өҥө порталын нөҥүө сурутан тиийиллэр.
edersaas.ru
Ирдэнэр докумуоннар:
— сайабылыанньа (былааҥканы ГАИ-тан бэйэтиттэн, интэриниэттэн ылаллар. Судаарыстыбаннай өҥө порталыгар электроннай сайабылыанньаны толоруллар);
— Пааспар;
— Тас дойду дьонугар бэйэни туоһулуур уонна Арассыыйаҕа сылдьары көҥүллүүр докумуон;
— ПТС;
— регистрация сибидиэтэлистибэтэ;
— атыылааһын-атыылаһыы дуогабара;
— страховой полис;
— төлөбүр (госпошлина).
Төлөбүр кээмэйэ (2019 сылга):
850 солкуобай (нүөмэри, ПТС уларыттарыыта суох көннөрү регистрация);
1 300 солкуобай (ПТС уларытыылаах регистрация);
2 850 солкуобай (нүөмэри уларытыылаах регистрация);
3 300 солкуобай (ПТС уонна нүөмэр уларытыылаах регистрация).
Сүбэ: Судаарыстыбаннай портал нөҥүө сурутар түгэҥҥэ ыйыллыбыт сууматтан 30 % чэпчэтии көрүллэр. Көстөрүн курдук, улахан чэпчэтии буолар. Ол иһин, билигин дьон үксүн портал нөҥүө сурутан, ыйыллыбыт күҥҥэ, чааска тиийэ сатыыллар.
Людмила ПОПОВА, «Саха сирэ» хаһыат, edersaas.ru
Хаартыска: интэриниэттэн