Массыына ыытар быраап дастабырыанньатын атыылааччылары туттулар

Ааптар: 
Бөлөххө киир:

Социальнай ситимнэргэ, интэриниэт-форумнарга «массыына ыытар быраап дастабырыанньатын ыларга көмөлөһүөхпүт» диэн биллэриилэр хам-түм көстөн ааһааччылар. Саарбах биллэрии буолара өйдөнөр эрээри, дьэ, дьон киирэн биэрэр эбит.

edersaas.ru

Ол курдук, дьону итинник албыннаан, хармааннарын хаҥатыммыт түөкүттэргэ холуобунай дьыала тэриллэн силиэстийэлэнэрин туһунан СӨ ИДьМ-тын пресс-сулууспата иһитиннэрдэ.

Силиэстийэ сабаҕалыырынан, 2017 сылтан саҕалаан, бу сылга диэри кэмҥэ урут сууттана сылдьыбыт икки киһи уонна Нерюнгри куоракка олорор обургу оҕо социальнай ситимнэргэ биллэрии таһаарбыттар. Туох да үөрэтиитэ, эксээмэнэ суох ,«В» категориялаах дастабырыанньаны ылан биэрэр өҥө оҥороллорун туһунан. Итинэн кинилэр дьонтон 10 тыһ. солк. — 40 тыһ. солк. ыла сылдьыбыттар.

Бу тэрээһиннээх бөлөх чилиэннэрэ бары тутуллубуттар. Кинилэр төлөпүөннэригэр тугу оҥорбуттара барыта сурулла-тиһиллэ сылдьаллар эбит, ол эбэтэр, эмсэҕэлээччилэри кытта суруйсуулара, сымыйа дастабырыанньалар хаартыскалара.

Бу дьайыыларынан кинилэр барыта сүүстэн тахса киһини отоойкоҕо олордубуттар. 1 мөл. солк. тахса сууммалаах хоромньуну оҥорбуттар.

Икки уорбаланааччы хаайыллыбыт, оттон  сокуоннай сааһын туола илик уол ханна да барбат баппыысканан көҥүлгэ сылдьар.

Биһиги корр., «Саха сирэ» хаһыат, edersaas.ru

Хаартыска: СӨ ИДьМ-тын пресс-сулууспата.

+1
0
+1
0
+1
0
+1
0
+1
0
+1
0
+1
0