Быйыл олунньу бүтүүтүгэр дойду үрдүнэн массыына атыыта 4,8 % түспүт. Бу уларыйыы Арассыыйа уонна Украина сыһыаннаһыыларын кытта сибээстээх. Дилердэр омук саҥа массыыналара икки-үс ый устата атыыга тахсыахтара суоҕа диэн быһаараллар. Ол оннугар “сүүрбүт-көппүт” эргэ тимир көлөлөр күннэрэ-ыйдара тахсыаҕа диэн эспиэрдэр билгэлээбиттэр.
Бу күннэргэ Дьокуускайга массыыналары атыылыыр ырыынакка тиийэ сырыттыбыт, урукку курдук буолбатах чуумпу.
Аҕыйах массыына атыыга турар, киэҥ тэлгэһэ иһэ кураанах. Дьокуускайга массыына атыытын сыаната хайдах буолуой диэн ыйытыы үгүс киһини үүйэ-хаайа тутар. Үгүс эспиэрдэр араастаан тойоннууллар. Сөптөөх эппиэти ылар инниттэн Владивосток куоракка олорор, тимир көлөнү атыылыырынан 10-ча сыл кэриҥэ дьарыктаммыт, биир дойдулаахпыт Николай Михайловы кытта кэпсэттибит. Санатар буолларга, кини бу күннэргэ Москва куораттан массыынаны сакааска аҕалбыт буолан, ити эргин тимир көлө атыытын ырыынагын үчүгэйдик ис-иһиттэн билсэн, көрөн-истэн кэлбит. Кини сотору кэминэн Арассыыйа ырыынагар Кытай массыыналара киириэхтэрэ диэн быһаарар. Кытайга оҥоһуллубут тимир көлөлөр хайдах буолуохтарай диэн ыйытыы үөскүүр. Аны туран, олохтоох массыыналар атыыга хамаҕатык барыахтара дуо? Холобур, биһиэхэ оҥоһуллар “Лада”-лар сыаналара биллэрдик үрдээбит. Дьэ, манна биһиги эспиэрбит бары өттүнэн сөптөө хоруйу биэрдэ. Салгыы Николай Михайловтыын кэпсэтиини көрүҥ.
Николайы кытта төлөпүөнүгэр эрийэн сүбэ-ама ылыаххытын сөп: 89146997647.
edersaas.ru