Массыына саахалын кэнниттэн Бэтинчэ нэһилиэгэр кутурҕан күнэ биллэрилиннэ
Тохсунньу 27 күнүгэр «Бүлүү» федеральнай трассатыгар хас да киһи өлүүлээх массыына саахала тахсан, өрөспүүбүлүкэ олохтоохторо улаханнык айманнылар.
Ол курдук, бэҕэһээ күнүс 12.00 чааска «Бүлүү» федеральнай суол 1215 килэмиэтиригэр «Тойота Хайс» уонна «Вольво» массыыналар харсыһан, икки киһи өлбүтэ, түөрт киһи араас эчэйиини ылан Мирнэй балыыһатыгар киллэриллибиттэрэ.
СӨ доруобуйа харыстабылын министиэристибэтин пресс-сэкиритээрин эбээһинэһин толорооччу Алла Клецко иһитиннэрбитинэн, биир пациент балыыһаҕа киирэн баран тыына быстыбыт. Биир киһи мөлтөх туруктаах, икки пациент туруктара ортоһуор.
Ленскэй улууһун Бэтинчэ баһылыгын быһаарыытынан, тохсунньу 28 күнүттэн олунньу 4 күнүгэр диэри кутурҕан күннэрэ биллэрилиннэ.
Анивера АКИМОВА, «Саха сирэ» хаһыат, edersaas.ru
+1
+1
+1
+1
+1
+1
+1